Modellmyndir/-filmar eru nýtt

Hvat er Øll hava rætt til góð barnaár

Øll hava rætt til góð barnaár er eitt tilboð til børn og ung í aldrinum 0-25 ár og til familjur, sum hava tað trupult orsakað av, at rúsdrekka/rúsevnir fylla ella hava fylt ov nógv í familjuni. Vit veita ikki rúsviðgerð, men hjálpa teimum, sum eru avvarðandi hjá einum við rústrupulleikum. Hesi kunnu t.d. vera foreldur ella systkin. 

At møta børnum, sum hava tað líka sum eg, hevur gjørt, at eg ikki kenni meg so einsamalla meira. Nú skilji eg, at tað er ikki mín skyld, at mamma drekkur.

– Genta, 10 ár

Eg tori ikki at hava vinir við heim, tí eg veit ongantíð, um babba er fullur.

– Drongur, 8 ár

Hvørja ferð eg sigi frá, fái eg skuldarkenslur.

– Genta, 19 ár

Hølir og tænastur

Vit halda til í Kongagøtu 8, sum er mitt í býnum í Tórshavn. Her hava vit bólkar, einstaklinga- og familjusamrøður. Harumframt hava vit eitt høli á Heiðavegi 23 í Saltangará, og á Tvøroyri, har vit eftir tørvi kunnu bjóða samrøður. Eisini bjóða vit tulk og teknmálstænastu.

Les meira